میں بھی ہوں رہِ عشق کا مسافر

کیا شئی ہے جو تقدیر میں مرقوم نہیں

ہاں کیا کیا ہے بندے کو یہ معلوم نہیں  ہے

وہ اہل وفا اور ہی تھے کیا مُلّا ہے کیا شیخ

اب کوئی بھی اس دنیا میں معصوم نہیں ہے

جو خلق پہ رتبے کے مطابق ہو مہرباں

حاتم تو وہ ہو سکتا ہے مخدوم نہیں ہے

ہر شئی میں ترا رنگ ہے ائے عشق کے مرشد

ذرہ بھی ترے عشق سے محروم نہیں ہے

میں بھی ہوں رہ عشق کا مسافر سہی لیکن

مجنوں کی طرح میری کہیں دھوم نہیں ہے

فیضی کا یہ دل درد محبت سے ہے لبریز

اللہ کا کرم ہے دلِ مظلوم نہیں ہے